توطين الرواتب او الية نظام دفع الرواتب
إذا انت موظف بالدولة، فأكيد طلب منك المحاسب أو راح يطلب تجيب مستمسكاتك علمود يطلعولك بطاقة ماستركارد أو فيزا كارد تستلم بيهه راتبك بدلاً من الطريقة التقليدية، هاي العملية يسموهه توطين الراتب.
خلي نشوف شنو القصة بالتفصيل وشلون بدت:-
المكان:- بغداد-كرادة مريم-مجلس الوزراء
التاريخ:- ٢٠١٦/١١/١
الحدث :- جلسة مجلس الوزراء الاعتيادية رقم ٤٢
التاريخ:- ٢٠١٦/١١/١
الحدث :- جلسة مجلس الوزراء الاعتيادية رقم ٤٢
شنو صار؟
صدر القرار رقم (٣١٣) واتفق المجلس على شغلتين مهمة:-
١-تحويل نظام دفع الرواتب للموظفين المدنيين الى نظام ألكتروني
٢-إنشاء نظام البصمة للتحقق من حضور الموظفين.
وكالوا خلي نرسم خطة نحول وزارتين ب ٢٠١٦، والبقية ب ٢٠١٧.
صدر القرار رقم (٣١٣) واتفق المجلس على شغلتين مهمة:-
١-تحويل نظام دفع الرواتب للموظفين المدنيين الى نظام ألكتروني
٢-إنشاء نظام البصمة للتحقق من حضور الموظفين.
وكالوا خلي نرسم خطة نحول وزارتين ب ٢٠١٦، والبقية ب ٢٠١٧.
البنك المركزي وبصفته الجهة القطاعية المختصة، سارع لإنجاز نظام المقسم الوطني (IRPSI) وبالفعل يوم ٢٩/١١/٢٠١٦ كملت البنية التحتية للمشروع وطلع لايف وية خمس مصارف، وبما إن العراق بي ٧٢ مصرف وقدراتهم وإمكانياتهم مختلفة والمشروع كبير، لذلك كعد المركزي وسوة دراسة مستفيضة عن واقع المصارف بالعراق، وخله معايير محددة علمود يتأكد من ان المصرف اللي يشارك بهيج مشروع لازم عنده مواصفات معينة تأهلة انه يقدم الخدمة آمنة وسريعة، وكال كل وزارة تريد توطن رواتب موظفيهه لازم تفاتح البنك المركزي علمود يوافق على إختيار المصرف، وطبعا هالشي تبلغت بي الوزارات بتاريخ ٢٠١٧/٧/١٧، وبده المشوار
بعد فترة شافوا إن الدوائر طلعت تجبر موظفيهه على اختيار مصرف معين، وماكو منافسة مهنية بالموضوع، إما لجهل الموظف بتفاصيل الموضوع، او لإن المحاسب والدائرة تتعاجز تفاتح اكثر من مصرف، أو لأسباب معينة خلت الدائرة تتصرف هيج تصرف.
وبناءاً على هالشي، كعد مجلس الوزراء بتاريخ ٢٠١٧/٨/٢٣ وعقد جلسته الإعتيادية رقم (٣٣) وصدر القرار رقم (٢٨١) اللي بي مجموعة نقاط أهمها النقطة الرابعة اللي تكول:-
للموظف إختيار مصرف من المصارف المعتمدة لدى البنك المركزي العراقي في عملية توطين الرواتب لفتح حساب مصرفي تمهيداً لإستلام راتبه عبر حساب الكترونياً بموجب بطاقة مصرفية مدينة.
للموظف إختيار مصرف من المصارف المعتمدة لدى البنك المركزي العراقي في عملية توطين الرواتب لفتح حساب مصرفي تمهيداً لإستلام راتبه عبر حساب الكترونياً بموجب بطاقة مصرفية مدينة.
ما معناه، الموظف صار يكدر هو يروح يدور بين المصارف ويشوف ياهو أكثر واحد يخدمه ويختاره ومحد يجبره على شي، ويصير شوكت ميريد يغير المصرف اللي إختاره او إنجبر عليه لمصرف أحسن.
أما بالنسبة للعمولات وشلون اتعرف على المصارف وخدماتهم وعروضهم وشنو لازم اسوي كموظف، هاي نسولفهه بغير ليلة إن شاء الله.
أما بالنسبة للعمولات وشلون اتعرف على المصارف وخدماتهم وعروضهم وشنو لازم اسوي كموظف، هاي نسولفهه بغير ليلة إن شاء الله.
اشترك في بريدنا الالكتروني لتتوصل باشعار فور نشر موضوع جديد
0 الرد على "توطين الرواتب او الية نظام دفع الرواتب "
إرسال تعليق