جهاز (POS) ماهو ؟ مميزاته ...

اللي سألوني شنو جهاز (POS) وشنو تأثير كتاب البنك المركزي بالمنشور السابق:-

نقاط البيع - Point of Sale
ببساطة هو جهاز يكون عند التاجر ومربوط بحسابه بالمصرف، يكدر من خلاله إستحصال المستحقات المالية من بطاقة الزبون مباشرة لحسابه بالمصرف دون الحاجة لإستخدام الكاش.
يعني من تروح لمحل، مطعم، فندق، سيارة أُجرة ...الخ
بمكان ما تدفع كاش، من الممكن تدفع من خلال البطاقة والفلوس تتحول تلقائياً من رصيدك بالبطاقة لحساب التاجر بالمصرف.
هذا الشي ايجابي، بس شلون؟
التاجر
١- يخلص من عملية عد وفرز النقود ومشاكل التلف والمزيف والنقص.
٢-يخلص من عملية نقل النقود ومخاطر السرقة والسطو ويجي واحد يطير بالدخل.
٣-يخلص من مشكلة نقص الفئات الصغيرة (ماكو خردة) ويكوم يكدر يسعر اسعار تنافسية مموجود منهه فئات مثلا ٩٥٠ دينار بدلاً من ١٠٠٠ دينار

الزبون
١-ميحتاج يشيل فلوس، ويخلص من مخاطر السرقة والفقدان.
٢- يستفاد من خصومات يقدمها التجار على الدفع بالبطاقة بالإضافة الى انه العملية تتم بدون أي عمولات إضافية.
٣-مراح يكون مضطر لسحب كل راتبة ومراح يوكف طوابير كدام الصراف الالي أول مينزل الراتب.

الجهة القطاعية
١-يقلل من تداول الكاش بالنتيجة زيادة عمر العملة ويقلل من تكاليف إعادة الطباعة.
٢-الاحتفاظ بالنقد قدر الإمكان داخل الجهاز المصرفي.
٣-تحقيق الفائدة الفعلية من مشروع توطين الرواتب.

هالتجربة مطبقة بهواي دول بنجاح، بعض المحلات مخلية علامة (No Cash) وما معناها اصلاً ماعنده كاشير يقبل نقد.

هسه عاد الدور عالتاجر، منتظريك 🌹

#احمد_قيس

لا ننسه الخبربأن البنك المركزي يوجه مزودي خدمات الدفع الالكتروني المرخصين بنشاط محصل لنشر ٢٥٠٠ جهاز نقطة بيع (POS) لكل مزود بمدة أقصاها نهاية العام الجاري ٢٠١٩ 

حجز الدولار

منصة سعر الدولار منصة عراقية لنشر اسعار صرف الدولار و العملات الاجنبية وتزويدكم بشركات بيع الدولار مقابل الدينار العراقي واشعاركم بنزول رواتب الموظفين ...

فيسبوك

تويتر

انستغرام

شارك هذا المنشور

اشترك في بريدنا الالكتروني لتتوصل باشعار فور نشر موضوع جديد

مواضيع ذات صلة